Հայաստան-Իրան Երկաթագիծը Շուրջ 2 Միլիոն Տոլար Պիտի Արժէ
«NEWS.am»- Հայաստան-Իրան երկաթագծի կառուցման արժէքը 1,7-2 միլիառ տոլարի շուրջ պիտի կայանայ: Այս մասին վերջերս յայտարարեց Հայաստանի կապի եւ փոխադրութեան նախարար Մանուկ Վարդանեանը:
Հանդիպման ներկայ գտնուող ռուս գործընկեր Իգոր Լեւիտինը, որ Ռուսաստանի նախագահ Տմիթրի Մետվետեւի Հայաստան կատարած պետական այցելութեան ծիրէն ներս Երեւան այցելեց, դիտել տուած է, որ երկաթագիծի ծրագիրը կը համակարգէ Հայաստանի, Իրանի եւ Ռուսաստանի կապի փոխ նախարարներու կողմէ կազ¬ մուած աշխատանքային խումբը:
«Ներկայիս մեզ մօտ առկայ է միայն տեխնիկական զեկոյց, որը կազմել է «Տրանս նախագիծ» ինստիտուտը՝ մի արտասահմանեան ընկերութեան հետ համատեղ: Այդ զեկոյցում նախագծի արժէքը գնահատւում է 1,7-2 միլիառ տոլար»,- նշեց Մ. Վարդանեանը՝ աւելցընելով, որ դեռ պարզ չէ, թէ որքանով իրական են այդ թիւերը:
«Դա պարզ կը լինի միայն տեխնիկա-տնտեսական հիմնաւորումը կազմելուց յետոյ»,- ըսաւ ան:
Հայաստանի փոխադրութեան նախարարը յայտարարեց նաեւ, որ վերջերս Ռուսաստանի երկաթագիծի նախագահ Վլատիմիր Եաքունինի Հայաստան կատարած այցելութեան ժամանակ քննարկուած են Վանաձոր-Ֆիալետովօ երկաթուղային գիծի ծրագըրման հարցերը: Այդպէս պիտի աւարտի երկաթգիծը՝ Հայաստանի հիւսիսի մէջ։ «Շուտով այն կը փաստաթղթաւորուի եւ մենք կը շարունակենք աշխատանքը յաջորդ փուլում»,- յայատարարեց Մ.Վարդանեանը:
Երկաթագիծը կը կառուցուի հինգ տարիէն, երեք փուլով: Նախնական հաշւարկումներով՝ Իրան-Հայաստան երկաթագիծի երկարութիւնը 470 քմ. է. անկէ 60 քմ.ը կը գտնուի Իրանի տարածքէն ներս, իսկ 410 քմ.-ը՝ Հայաստանի: Ըստ նախնական պայմանաւորուածութեան՝ Իրանը Հայաստանի համար ելք պիտի ապահովէ դէպի Պարսից ծոց: