ԱՐՑԱԽԻ ՀԱՆՐԱՊԵՏՈՒԹԵԱՆ ՆԱԽԱԳԱՀԸ' ՊԻՔՖԱՅԱՅԻ ՎԱՆՔԻՆ ՄԷՋ
Երկուշաբթի, 23 օգոստոս 2010-ի երեկոյեան, Արցախի Հանրապետութեան նախագահ Բակօ Սահակեան Լիբանանի մէջ ունեցած իր եզրափակիչ հանդիպումներուն շարքին անձնական այցելութիւն տուաւ Արամ Ա. կաթողիկոսին՝ Կաթողիկոսարանի Պիքֆայայի Ս. Աստուածածին վանքին մէջ: Նախագահին կ'ընկերանային իր պատուիրակութեան անդամները:
Նախագահը նախ այցելեց Պիքֆայայի մէջ կառուցուած Ցեղասպանութեան յուշարձանը եւ իր յարգանքը մատուցեց մեր մէկուկէս միլիոն նահատակներուն: Ապա ան մտերմական զրոյց ունեցաւ միաբաններուն եւ յատկապէս դպրեվանքի սաներուն հետ:
Երեկոյեան նախագահը եւ իր պատուիրակութեան անդամները ընթրիքի հիւրը եղան վեհափառին: Մտերմական այս հանդիպումը առիթ եղաւ զրուցելու ընդհանրապէս Հայաստանի եւ հայ ժողովուրդի, ու յատկապէս Արցախի դիմագրաւած մարտահրաւէրներուն մասին:
Յայտնենք, որ երէկ նախագահ Սահակեան եզրափակեց Լիբանան տուած իր այցելութիւնը եւ վերադարձաւ Արցախ։
«« վերադարձ ««