Յունիս 19, 2010 
«« վերադարձ «« Նախագահ Սարգսեան Հանդիպում Ունեցաւ Մինսքի Խմբակի Համանախագահներուն Հետ
Հայաստանի նախագահ Սերժ Սարգսեան երէկ Ս. Փեթերսպուրկի մէջ մասնակցեցաւ Միջազգային տնտեսական համաժողովի լիագումար նիստին։
Հանրապետութեան նախագահը այնուհետեւ հանդիպում ունեցաւ ԵԱՀԿ-ի Մինսքի խմբակի համանախագահներ Իկոր Փոփոքի (Ռուսիա), Պեռնար Ֆասիէի (Ֆրանսա), Ռոպըրթ Պրատքէի (Միացեալ Նահանգներ) եւ ԵԱՀԿ-ի գործող նախագահի անձնական ներկայացուցիչ Անճէյ Քասփրչիքի հետ։ Քննարկուեցան Լեռնային Ղարաբաղի տագնապի լուծման ներկայ հանգրուանի վերաբերող հարցեր։
Նախագահի մասնակցութեամբ հանդիպումէն ետք, արտաքին գործոց նախարար Էդուարդ Նալբանդեան եւ համանախագահները անդրադարձան համանախագահներու՝ Հայաստան կատարելիք յառաջիկայ այցելութեան մանրամասնութիւններուն։