Դեկտեմբեր 22, 2011 
«« վերադարձ «« Ռուսահայ Գործարարները 18 Միլիոն Տոլար Հանգանակեցին Արցախի Համար
ՄՈՍԿՈՒԱ, «Արցախնիուզ».- Չորեքշաբթի, 21 Դեկտեմբերին, Մոսկուայի մէջ տեղի ունեցած հանդիսաւոր ճաշկերոյթի մը ընթացքին, տեղի ունեցաւ հանգանակութիւն մը՝ ի նպաստ «Հայաստան» Համահայկական հիմնադրամի Արցախի ծրագիրներուն: Սոյն ճաշկերոյթի ընթացքին ռուսահայ գործարարներու կողմէ եղած նուիրատուութիւններով հանգանակուած է 18 միլիոն տոլար:
Հանդիսութեան ներկայ էր Արցախի նախագահ Բակօ Սահակեան, որ նոյն երեկոյեան յայտարարեց, թէ արժանթինահայ բարերար Էտուարտօ Էռնեկեան, գալիք տարի, շուրջ 11 միլիոն տոլարի ներդրում պիտի կատարէ Արցախի մէջ:
Այս տարուան ճաշկերոյթէն բացակայեցաւ նախագահ Սերժ Սարգսեան, որ մէկ օր առաջ Մոսկուայէն վերադարձած էր Երեւան: