Հայկական Ցեղասպանութեան 95-ամեակի Կիպրոսի ոգեկոչման ձեռնարկներ
Հայկական Ցեղասպանութեան Ոգեկոչման Կիպրոսի Յանձնախումբը հետեւեալ ժամանակացոյցը հրապարակած է.
21 ԱՊՐԻԼ 2010 - Արիւնի տըւչութիւն Նիկոսիոյ «Նարեկ» վարժարանին մէջ կ.ե. ժամը 3։30-6։30։
22 ԱՊՐԻԼ 2010 - Հայակական Ցեղասպանութեան յիշատակումին առիթով, խորհրդարանի նիստին խօսք պիտի առնէ կիպրահայ համայնքի պետական ներկայացուցիչ Վարդգէս Մահտեսեան։ Նիստը պիտի սկսի կ.ե. ժամը 4-ին ու ձայնասձռուի պետական ռատիոկայանի առաջին ալիքէն։
23 ԱՊՐԻԼ 2010 - Կ.ե. Նիկոսիոյ «Էլեֆթերիա» հրապարակէն պիտի սկսի երիտասարդներու քայլարշաւը, որ Լիմասոլի մայրուղիէն ժամը 7։30-ին պիտի հասնի Արմենիաս Պողոտայի սկիզբը։ Ժողովուրդը պիտի միանայ քայլարշաւին ու քալէ Արմենիասի երկայնքով մինչեւ Նահատակաց Յուշարձան, ուր ժամը 8-ին տեղի պիտի ունենայ հոգեհանգիստ եւ հսկում։ Պատգամախօս՝ թեմիս կաթողիկոսական փոխանորդ Վարուժան Արքեպիսկոպոս։
24 ԱՊՐԻԼ 2010 - Ս. Պատարագ եւ Հոգեգհանգիստ Նիկոսիոյ Ս. Աստուածածին եկեղեցւոյ մէջ, կ.ա. ժամը 10-ին։
24 ԱՊՐԻԼ 2010 - ՅՈՒՇԱՀԱՆԴԷՍ՝ երեկոյեան ժամը 6-ին «Փասիտի»ի սրահին մէջ, բարձր հովանաւորութեամբ Կիպրոսի Հանրապետութեան Ներկայացուցիչներու Տան նախագահ Մարիոս Կարոյեանի։ Պիտի բանախօսէ եւրոերեսփոխան Եոաննիս Գասուլիտիս։