Արամ Ա. Կաթողիկոս նախագահեց Միջին Արեւելքի Եկեղեցիներու Խորհուրդի Դիւանի հանդիպումին Կիպրոսի Մէջ
ԱՆԹԻԼԻԱՍ - Անցնող օրերուն, Կիպրոսի մէջ տեղի ունեցաւ Միջին Արեւելքի Եկեղեցիներու Խորհուրդին Գործադիր Վարչութեան Դիւանի հանդիպումը նախագահութեամբ՝ Ն.Ս.Օ.Տ.Տ. Արամ Ա. Կաթողիկոսին: Հանդիպման ներկայ էին Միջին Արեւելքի Եկեղեցիներու Խորհուրդը կազմող չորս ընտանիքներուն ¥Արեւելեան Ուղղափառ ոչ Քաղկեդոնական եկեղեցիներ, Ուղղափառ եկեղեցիներ, Կաթոլիկ եկեղեցիներ եւ Բողոքական եկեղեցիներ¤ նախագահները:
Յիշեալ հանդիպումին ընթացքին քննարկուեցան Խորհուրդին առնչուած վարչական, տնտեսական ու յարաբերական բնոյթ ունեցող շարք մը հարցեր: Յատուկ ուշադրութեան առարկայ դարձաւ Ղպտի Եկեղեցւոյ անդամակցութեան առկախման հարցը: ժողովին նաեւ վերջնական ձեւ ստացաւ յառաջիկայ Շաբաթ Դամասկոսի մէջ տեղի ունենալիք Գործադիր Վարչութեան լիակատար նիստին օրակարգը:
Այս առիթով Կիպրոսի Ուղղափառ Եկեղեցւոյ Հոգեւոր Պետը Խրիսոստոմոս Բ. ճաշկերոյթ մը սարքեց ի պատիւ ժողովականներուն: Ճաշկերոյթին նաեւ ներկայ էին Անտիոքի Յոյն Ուղղափառ Պատրիարք Հազիմ Դ., Երուսաղէմի Յոյն Ուղղափառ Պատրիարք Թէոփիլոս Գ., եւ այլ եպիսկոպոսներ յիշեալ Ուղղափառ եկեղեցիներէն: