Մայիս 23, 2011 
«« վերադարձ «« ԿԻՊՐԱՀԱՅՈՒԹԻՒՆԸ ԿԸ ՎԵՐԸՆՏՐԷ ՎԱՐԴԳԷՍ ՄԱՀՏԵՍԵԱՆԸ ՅԱՒԵԼԵԱԼ ՄԵԾԱՄԱՍՆՈՒԹԵԱՄԲ
Այսօր Կիպրոսի մէջ տեղի ունեցան խորհրդարանական ընտրութիւններ, որոնց առընթեր՝ նաեւ փոքրամասնութիւններու պետական ներկայացուցիչներու ընտրութիւնները։
Հայ Համայնքի պետական ներկայացուցիչի պաշտօնին թեկնածուներն էին ՀՅԴ-ի զօրակցութիւնը վայելող Վարդգէս Մահտեսեան եւ ՍԴՀԿ-ի ու «Յառաջդիմական»ներու զօրակցութիւնը վայելող Անդրանիկ Աշճեան։
Քուէարկութիւնը վերջ գտաւ Վարդգէս Մահտեսեանի եւ ՀՅԴ-ի ջախջախիչ յաղթանակով, 68-32 համեմատութեամբ։
«Այս փառաւոր յաղթանակը կը պատկանի կիպրահայութեան» յայտարարեց Վարդգէս Մահտեսեան աւելցնելով, «վստահութեան այսքան մեծ արտայայտութիւն՝ ուսերուս շատ մեծ պարտաւորութիւն կը դնէ, յաւելեալ ճիգերով ծառայելու մեր գաղութին, աւելի լաւ ապագայի մը տեսլականով»։