«Ժողովուրդ» օրաթերթի հարցազրոյցը ՀՅԴ Բիւրոյի ներկայացուցիչ Հրանդ Մարգարեանի հետ։

Ստորեւ կը ներկայացնենք հայրենի «Ժողովուրդ» օրաթերթի հարցազրոյցը  ՀՅԴ Բիւրոյի ներկայացուցիչ Հրանդ Մարգարեանի հետ։ Հարցազրոյցին մէջ ՀՅԴ Բիւրոյի ներկայացուցիչը կ'անդրադառնայ Հայաստանի նախկին նախագահ Ռոպերթ Քոչարեանի տուած վերջին հարցազրոյցին, երկպալատ խորհրդարան ստեղծելու մասին իշխանութիւններու մտադրութեան եւ Հայաստանի մէջ յառաջիկայ տարիներուն տեղի ունենալիք խորհրդարանական եւ նախագահական ընտրութիւններուն։

ՀԱՐՑՈՒՄ.- Ռոպերթ Քոչարեանի հարցազրոյցը քաղաքականութիւն վերադառնալու յայտ էր: Ինչը հնարաւոր է միմիայն քաղաքական ուժերի միջոցով: Բարգաւաճ Հայաստան կուսակցութիւնից μացի այս իմաստով որոշ դեր վերագրւում է՞ ՀՅԴ-ին:

ՊԱՏԱՍԽԱՆ.- Մենք այն ժամանակ էլ, երμ համագործակցել ենք Ռոպերթ Քոչարեանի հետ, համաձայնական կառավարութեան մաս ենք կազմել, շեշտուած ունեցել ենք մեր անկախութիւնը: Մենք չենք ղեկավարուել ուրիշներով, մեր ցուցակը, ի տարμերութիւն գուցէ շատ-շատերի, չի կազմել ինքը: Իμրեւ անկախ քաղաքական ուժ մենք ունեցել ենք համագործակցութիւն նախկին նախագահի հետ: Բայց դրանից հետեւութիւն անել, թէ այսօր ինքնաμերաμար մենք պէտք է յայտնուենք Ռոպերթ Քոչարեանի կողքին, կարծում եմ՝ մի քիչ միամիտ եզրակացութիւն է: Որեւէ քաղաքական ուժի հետ համագործակցութիւնը, եթէ մեր ծրագրերը կը համընկնեն, չենք μացառում: Բայց որ որեւէ ուժի, որեւէ անձի կցորդի կարգավիճակով քաղաքական ասպարէզ մտնենք, μացառուած է: Դա Դաշնակցութեանը անյարիր երեւոյթ է: Եւ Ռոպերթ Քոչարեանն էլ քաղաքականութիւն դեռ չի վերադարձել ու համագործակցութեան առաջարկ մեզ չի արել: Ինչի մասին խօսենք՝ մէկ յայտարարութեա՞ն մասին. մէկ յայտարարութիւնը շատ քիչ է հաւանականութեան մասին խօսելու համար: Խօսքը սկզμունքային մօտեցման մասին է: Եթէ կը լինեն մարդիկ, որոնք կը միանան մեզ իրականացնելու մեր ներկայացրած գործունէութեան նախագիծը, ծրագրերը, կրկնում եմ` միշտ պատրաստ կը լինենք դա քննարկել:

Հ.- 2013-ի նախագահական ընտրութիւններին ՀՅԴ-ն կ'ունենա՞յ իր սեփական թեկնածուն: Եթէ ոչ, ապա ՀՅԴ-ն ում կը սատարի՝ Սերժ Սարգսեանին, թէ Ռոպերթ Քոչարեանին:

Պ.- Մինչեւ նախագահականը կան խորհրդարանական ընտրութիւններ, որոնք անշուշտ իրենց ազդեցութիւնն են թողնելու նաեւ նախագահական ընտրութիւնների վրայ: Ժամանակից շուտ խօսելը
μնականաμար ճիշդ չէ: Բայց թէ ով է լինելու մեր՝ որպէս ինքնուրոյն քաղաքական ուժի սեփական թեկնածուն, այսօր վաղ է խօսել:

Հ.- Արդէն իսկ եղել է ՀՅԴ-ի դրական արձագանգը երկպալատանի խորհրդարանի գաղափարի վերաμերեալ: Իսկ հայ-թուրքական արձանագրութիւններից յետոյ սփիւռքը նեղացած չէ՞:

Պ.- Այդ գաղափարը նաեւ ես եմ արծարծել: Պարտադիր չէ, որ անպայման երկպալատանի լինի, կարող է լինել նաեւ խորհրդարանին համահայկական կարգավիճակ տալու ձեւով: Բուն խնդիրն այն է, որ եթէ ազգի համախմμուածութիւնը մեզ համար ռազմավարական անհրաժեշտութիւն է, այն պէտք է ունենայ նաեւ համապատասխան կազմակերպչական դրսեւորում: Կազմակերպուածութիւնն էլ պէտք է լինի համահայկական, եթէ առանցքը Հայաստանն է, նրա պետականութիւնը: Այստեղ ոչ մի արտառոց μան չկայ, այլ ժողովուրդներ վաղուց օգտագործել են այդ փորձը: Դա չենք անում մեզ տկարացնելու, խանգարելու համար, այլ անում ենք մեր ազգի մէկութիւնը պահելու համար: Իսկ ժամանակաւոր հարցերը պէտք չէ խանգարեն հիմնական խնդիրների շուրջ մեր վերաμերմունքին: Իշխանութիւնների ունեցած սայթաքումներն արտաքին քաղաքականութեան մէջ նոյնքան հակադրութեան հանդիպեցին Հայաստանում, որքան սփիւռքում: Սակայն այդ հարցերը չեն կարող պատճառ դառնալ, որ սփիւռքը Հայաստանի նկատմամμ վատ տրամադրուի, մարդն իր ծնողի նկատմամμ չի կարող վատ տրամադրուել, դա թապու է, արգելուած է: Իսկ իշխանութիւնները եւ նրանց պահուածքը միշտ ժամանակաւոր երեւոյթներ են:

Հ.- Ենթադրւում է, որ երկուստեք «դէմ» փաստարկներ կը լինեն. Հայաստանից, որ ինչու պէտք է սփիւռքը լինի օրէնսդիր մարմնում, իսկ այնտեղից էլ, թող ներուի, μայց «որ մեզ կթու կովի տեղ են դնում»:

Պ.- Կարող են լինել սփիւռքահայեր, որոնք ճիշդ չվերաμերուեն հայրենիքին, կարող է լինեն հայաստանցիներ՝ սփիւռքին: Սա չէ կարեւորը: Երկքաղաքացիութեան պարագայում էլ կային շատ անտեղի մտահոգութիւններ, որ սա ինչ-որ ընտրական հաշիւներով կատարուած գործողութիւն է, որ չեմ իմանում՝ դրսից մարդ կը μերեն-կը քուէարկեն, այսպէս յիմար μաներ ասուեցին, μայց փաստը ցոյց տուեց, որ այդպէս չի: Հիմա էլ, սփիւռքը դերակատարութիւն կ'ունենայ միայն համահայկական խնդիրներին վերաμերող հարցերում, իսկ Հայաստանին վերաμերող հարցերում, կ'ունենայ խորհրդակցական ձայնի իրաւունք: Երկքաղաքացի պատգամաւորների թիւն էլ, μնականաμար, սահմանափակ թուով կը լինի:

Հ.- ՀԱԿ-ը կարծես անցնում է հանրահաւաքային պայքարի, ՀՅԴ-ն ինչպէ՞ս է իրեն պահելու այս ընթացքում` հաշուի առնելով, որ փաստացի նախընտրական մեկնարկը տրուած է:

- Մենք հանրահաւաքները մերժող կուսակցութիւն չենք, դա քաղաքական պայքարի ձեւ է եւ μոլոր ուժերն էլ իրաւունք ունեն այն օգտագործել: Իսկ եթէ խօսքն այն մասին է, թէ ինչպէ՛ս պէտք է դրանք տեղի ունենան մի երկրում, որտեղ չկայ կատարեալ ընտրական համակարգ, եւ կան սխալ աւանդոյթներ: Ֆրանսայում օրինակ ոչ մէկի մտքով չի անցնի 5-10 հազար դրամով վաճառել իր երեխայի ապագան, իր
խիղճը, համոզմունքները: Մենք կարծում ենք, որ դա պէտք է դառնայ թիւ մէկ խնդիր, ոչ թէ կուրծքդ դէմ տաս հրասայլին: Բարոյական նորմ պէտք է դառնայ, որ քուէդ իրաւունք չունես ծախել, պայմանաւորել
սրա-նրա խաթրով: Դու պիտի քուէարկես համոզումով՝ ապագայում փոփոխութիւններ ունենալու համար: Ժամանակն է, որ իւրաքանչիւր քաղաքացի մասնակից ու դերակատար դառնայ երկրին անհրաժեշտ փոփոխութիւններին, ընտրութեանը մասնակցելով ու համոզումով քուէարկելով: Նաեւ համոզում, որ իր գործուն մասնակցութեամμ կ'ապահովի ընտրութեան իրական արդիւնքները