Նախագահ Խրիսթոֆիաս ելոյթ կ'ունենայ Քոփընհակընի ժողովին մէջ
Կլիմայական փոփոխութիւններու դիմագրաւման համար ուշացած գործողութիւնները պարզ այլընտրանք մը չեն, յայտարարեց հան-րապետութեան նախագահ Տիմիթրիս Խտիսթոֆիաս շեշտելով, թէ մոլորակի ապագան «մեր ձեռքերուն մէջ կը գտնուի»։
Կլիմայական փոփոխութիւններու Քոփընհակընի Ժողովի ընթաց-քին խօսք առնելով, նախագահ Խրիսթոֆիաս ըսաւ, թէ բոլոր եր-կիրները պէտք է անմիջապէս գործի անցնին եւ այս գործունէու-թիւնը Քոփընհակընի մէջ պէտք է իրաւականօրէն պարտադիր համաձայնագիրի մը վերածուի։
Նախագահը ընդգծեց նաեւ, թէ Կիպրոս արդէն կը զգայ կլիմայա-կան փոփոխութիւններու առաջին լուրջ հետեւանքները. «Երկարա-տեւ երաշտներու, բարձր ջերմաստիճաններու, անտառներու եւ հազուագիւտ ջրային համալիրներու չորացման վկաները հանդի-սացանք», ըսաւ ան։
Նախագահ Խրիսթոֆիաս աւելցուց նաեւ, թէ հակառակ անոր, որ Թուրքիոյ կողմէ Կիպրոսի մէկ մասին գրաւման տակ գտնուիլը լուրջ արգելք կը հանդիսանայ կառավարութեան կենսոլորտային քաղա-քականութեան իրականացման, «Միջազգային համայնքի եւ Եւրո-պական Միութեան բոլոր առաջադրանքներն ու պարտաւորութիւն-ները կը գործադրենք եւ մեր գործօն մասնակցութիւնը կը բերենք մոլորակի կլիման եւ մեր ժողովուրդին ապագան պաշտպանելու համար», ըսաւ ան։
«« վերադարձ ««