Նոր դէմքեր քաղաքական բեմին վրայ

Երէկ տեղի ունեցած տեղական կառավարման ընտրութիւնները նոր դէմքեր բերին քաղաքական բեմին վրայ: Նիկոսիոյ, Լառնաքայի եւ Կերինիոյ մէջ ընտրուեցան նոր քաղաքապետեր:

Նիկոսիոյ նորընտիր քաղաքապետը՝ Կոստանդինոս Եորկաճիս քաղաքը բարելաւելու իր յանձնառութիւնը հաստատեց, հրաւիրելով բոլոր քաղաքացիները գործակցութեան: "Մենք կրնանք քաղաքին ժխտական ընթացքը փոխելե, յայտարարեց ան աւելցնելով, թէ ինք լրջօրէն պիտի աշխատի այս ծրագրի իրագործման համար":

Լիմասոլի վերընտրուած քաղաքապետ Անտրէաս Խրիսթու յայտարարեց, թէ շնորհաւորութիւնները պէտք է յղուին քաղաքին ու քաղաքացի-ներուն, "որոնք կրցան իրենց ընտրութիւնը կատարել յստակ ու աներկբայօրէն" ըսաւ ան:

Լառնաքայի քաղաքապետ ընտրուեցաւ Անտրէաս Լուրուճիատիս, իսկ Պաֆոսի քաղաքապետ վերընտրուեցաւ Սաւաս Վերղաս: Նոր դէմքեր յայտնուեցան նաեւ այլ քաղաքներու մէջ. Ստրովոլոսի քաղաքապետ՝ Լազարոս Սաւիտիս, Աղլանճայի՝ Կոստաս Կորտաս, Կերինիոյ՝ Ղլաֆկոս Կարիյոլու:

Ֆամակուստայի քաղաքապետ վերընտրուեցաւ Ալեքսիս Ղալանոս, առանց ընդդիմադիր թեկնածուի:

Տեղական կառավարման ընտրութիւններուն մասնակցութիւնը նուազ էր քան 2006-ի ընտրութիւնները, ըսաւ ընտրութիւններու ընդհանուր պատասխանատու Անտրէաս Աշշոտիս:

Ընդհանուր առմամբ, մասնակցութեան տոկոսը ըստ ընտրական շրջան-ներու, կը ներկայացնէ հետեւեալ պատկերը.

Նիկոսիա՝ 66% փոխան 82%-ի, Լիմասոլ՝ 65% փոխան 86%-ի, Ֆամա-կուստա՝ 80% փոխան 87%-ի, Լառնաքա՝ 71% փոխան 87%-ի, Պաֆոս՝ 83% փոխան 86%-ի:

Աշշոտիս յայտնեց, թէ մասնակցութիւնը զգալիօրէն ցած էր բոլոր շըր-ջաններուն մէջ բացի Պաֆոսէն, իսկ Նիկոսիոյ եւ Լիմասոլի մէջ՝ չափա-զանց ցած:Կուսակցութիւններու ղեկավարները իրենց մտահոգութիւնը յայտնեցին տեղական կառավարման ընտրութիւններէն բացակայութեան բարձր ցուցանիշներուն համար, որ միջին հաշուով 33% էր:

Ընդդիմադիր ՏԻՍԻ-ի նախագահ Նիկոս Անաստասիատիս նշեց, թէ ընտրութիւններուն արդիւնքները դծգոհութեան յստակ յուշում մը կը ղրկեն կառավարութեան եւ միեւնոյն ատեն կ՛արդարացնեն իր կուսակցութեան վարած քաղաքականութիւնը:

Իշխող ԱԿԷԼ կուսակցութեան ընդհանուր քարտուղար Անտրոս Կիպրիանու յայտարարեց, թէ ընտրութիւնը ցոյց տուաւ, որ ժողովուրդը մեր-ժեց ԱԿԷԼ-ը լուսանցքայնացնելու բոլոր ճիգերը, քանի այս ընտրութիւն-ներուն կուսակցութիւնը բարելաւեց իր դիրքը 2006-ի բաղդատմամբ:

ՏԻԿՕ-ի նախագահ Մարիոս Կարոյեան ըսաւ, թէ տեղական կառավարման ընտրութիւններուն արդիւնքները կարելի չէ նախագահական ընտրութիւններու նախաբանը նկատել աւելցնելով, որ ինք մտահոգ էր բացակայութեան տոկոսով, որ կուսակցական համարտութիւններու դէմ դժգոհութեան նշան մըն էր:

Իսկ Ներկայացուցիչներու Տան եւ ԷՏԷՔ կուսակցութեան նախագահ Եաննակիս Օմիրու գոհունակութիւն յայտնեց՝ իր կուսակցութեան թեկնածուներուն նկատամմբ քաղաքացիներու ցուցաբերած վստահութեան համար: