Կիպրոսի կարավարութիւնը իր գոհունակութիւնը յայտնեց սկզբունքային այն Jստակ դիրքորոշման համար
Կիպրոսի կարավարութիւնը իր գոհունակութիւնը յայտնեց սկզբունքային այն Jստակ դիրքորոշման համար, որ անգամ մը եւս ցոյց տուաւ Ռուսիա ՄԱԿ-ի հովանաւորութեամբ տեղի ունեցած Նիւ Եորքի եռեակ հանդիպումի արդիւնքի լոյսին տակ:
Կառավարական բանբեր Ստեֆանոս Ստեֆանու գրաւոր հաղորդագրութեամբ մը յայտնեց, թէ "Ռուսիոյ հստակ դիրքորոշումը մնայուն ապացոյց մըն է այն սկզբունքային կեցուածքին, որ Մոսկուա ունի կիպրական հարցին նկատմամբե:"
"Ռուսիոյ կեցուածքը շատ կարեւոր է, քանի ան կ՛արտայայտուի Ապահովու-թեան Խորհուրդի մնայուն անդամ պետութեան մը կողմէ եւ կ՛ընդգծէ ՄԱԿ-ի որոշումներուն՝ բոլորին կողմէ յարգուելուն եւ գործադրուելուն անհրաժեշտութիւնըե" ըսաւ ան:
Ստեֆանու աւելցուց, թէ կառավարութիւնը գոհունակութեամբ կը նշէ, որ նման դիրքորոշումներ ընդունուած են նաեւ Ապահովութեան Խորհուրդի մնայուն անդամներ Ֆրանսայի եւ Չինաստանի կողմէ, ինչպէս նաեւ ոչմնայուն մի քանի անդամներու կողմէ:
Կարավարական բանբերը նշեց, թէ միայն Կիպրոսի վերաբերեալ Ապահովութեան Խորհուրդի որոշումներու գործադրութեամբ է, որ արդար, մնայուն եւ յուսալի լուծում մը կրնայ գտնուիլ կիպրական հարցին: Այդպիսի լուծում մը վերջ պիտի տայ Կիպրոսի թրքական գրաւման ու վերամիացնէ երկիրը երկհամայնքային, երկշրջանային, դաշնակցային կառոյցով ու քաղաքական հաւասարութեամբ, ինչպէս սահմանուած է Ապահովութեան Խորհուրդի որոշումներով:
"Լուծում մը, որուն արդիւնքը պիտի ըլլայ մէկ պետութիւն, մէկ ու միակ գերիշխանութիւն, մէկ հպատակութիւն եւ մէկ միջազգային ինքնութիւնե" ըսաւ Ստեֆանու աւելցնելով, թէ նախագահ Տիմիթրիս Խրիստոֆիաս այս նպատակը հետապնդած է նախագահական պաշտօնը ստանձնած օրէն:
Մանրամասնօրէն անդրադառնալով Ռուսիոյ արտգործ նախարարութեան յայտարարութեան, կառավարական բանբեր Ստեֆանոս Ստեֆանու նշեց, թէ յայտարարութիւնը կը շեշտէ, որ կիպրական հարցին լուծումը պէտք է հիմնըւած ըլլայ Ապահովութեան Խորհուրդի որոշումներուն վրայ եւ արդիւնքը ըլլայ երկու կողմերու միջեւ բանակցութիւննոերու, երկուստէք ընդունելի, առանց միջնորդութեան, ժամկէտներու կամ գործընթացի արագացման:
Ստեֆանու ըսաւ, թէ Ռուսիոյ արտգործ նախարարութիւնը կը մերժէ ժամկէտներու պարտադրումը, բանակցութիւնները կապելով Եւրոպական Միութեան նախագահութեան Կիպրոսի կողմէ ատանձնումին հետ՝ 2012-ի երկ-րորդ կէսին:
Ստեֆանու նշեց նաեւ, թէ Ռուսիոյ արտգործ նախարարութիւնը ունի այն տեսակէտը, որ կիպրական հարցին շուրջ միջազգային խորհրդաժողով կրնայ հրաւիրուիլ երբ հարցի ներքին ոլորտներուն շուրջ համաձայնութիւյն գոյանայ, ինչպէս սահմանուած է Ապահովութեան Խորհուրդի որոշումներով:
Եզրակացնելով, Ստեֆանու ըսաւ, թէ Ռուսիոյ արտգործ նախարարութիւնը կը նշէ, որ ներկայիս լուծում մը չգտնուելու պարագային, ՄԱԿ-ի Ընդհանուր Քարտուղարը պէտք է շարունակէ իր բարի ծառայութիւններ տրամադրելու առաքելութիւնը: