Ազդակ —Նախորդ շաբաթավերջին Թուրքիոյ մէջ աւարտեցաւ ազատ ոճի ըմբշամարտի միջազգային մրցաշարքը, որուն իր մասնակցութիւնը բերաւ նաեւ Հայաստանի հաւաքականը:

Վոլոդիա Ֆրանգուլեանէն (պրոնզ մետալ) ետք (61 քկ) Հայաստանի համար երկրորդ մետալը ապահովեց Նարեկ Սիրունեան (65 քկ), որ յաղթելէ ետք երեք թուրք ըմբիշներու, հասաւ աւարտական, ուր սակայն պարտուելով տիրացաւ արծաթ մետալի մը:

Այսպիսով, Հայաստան մէկ արծաթ եւ մէկ պրոնզ մետալով վերադարձաւ Թուրքիայէն:

Գրիգոր Գրիգորեան եւ Վարուժան Կաջոյեան (74 քկ) մօտ էին մետալներու տիրանալու, բայց երրորդ դիրքին համար իրենց մղած պայքարին պարտութիւն կրեցին:

Աւելցնել Ձեր մեկնաբանութիւնները