Նախագահական Պալատին համար ընդունելի չեն այն ամբաստանութիւնները, թէ նախագահական ընտրութիւններու հեռանկարով՝ նախագահ Անաստասիատիս անձնական շահ կը հետապնդէ կիպրական հարցին կապակցութեամբ:

Կառավարական բանբերի տեղակալ Վիկտորաս Պապատոբուլոս  շեշտեց, որ այսպիսի քննադատութիւններու միակ հետեւանքը՝ հանրապետութեան նախագահի բանակցային դիրքերուն տկարացումն է: Ան միեւնոյն ատեն ամբողջական եւ համապարփակ զօրակցութեան կոչ ուղղեց նախագահ Անաստասիատիսի ջանքերուն:
Անդրադառնալով ԱԿԷԼ կուսակցութեան Ընդհանուր Քարտուղար Անտրոս Կիպրիանուի բուռն քննադատութեան, Պապատոբուլոս ըսաւ որ ամէն մարդ կը ճանչնայ Նիկոս Անաստասիատիսը, որ անցեալին անձնական գին վճարելով որոշումներ առաւ, երբ ուրիշներ կը բացակայէին:

Նշելով, որ Անաստասիատիս ընտրուած է հինգ տարուայ ժամանակշրջանի մը համար, բանբերի տեղակալը ըսաւ, որ դեռ շատ կանուխ է ընտրապայքարի համար:

Աւելցնել Ձեր մեկնաբանութիւնները