ՀՀ նախագահ Սերժ Սարգսեան Մայիս 28-ին, Հայաստանի ազգային հաւաքականի եւ անգլիական «Մանչեսթըր Եունայթիտ» ակումբի կիսապաշտպան Հենրիխ Մխիթարեանը Առաջին Հանրապետութեան տօնին առիթով առաջին աստիճանի շքանշանով պարգեւատրած է «Հայրենիքին մատուցած ծառայութիւններ»-ուն` հայկական մարզանքի զարգացման գործին մէջ ունեցած աւանդին եւ Հայաստանը աշխարհի մէջ լաւագոյնս ներկայացնելուն համար:
Պարգեւատրման արարողութենէն յետոյ լրագրողներու հետ զրոյցին Հենրիխ Մխիթարեան նշած է, որ շատ հպարտ է նման պարգեւի արժանացած ըլլալուն համար: Ան յոյս յայտնած է, որ այս շքանշանը յետագային եւս կը խթանէ հայկական մարզանքի զարգացումը:
Անդրադառնալով Եւրոպայի լիկայի եզրափակիչ խաղէն յետոյ Հայաստանի եռագոյնը խաղադաշտին մէջ բարձրացնելուն, Հենրիխ Մխիթարեան ըսած է, որ հայկական եռագոյնը բարձրացնելը իւրաքանչիւրի պարտականութիւնն է. “Ինձ համար միշտ պատիւ է տարբեր վայրերում բարձրացնել Հայաստանի դրօշը։ Այդ գաղափարը ես վաղուց էի ցանկանում իրագործել եւ ի վերջոյ ստացուեց, քանի որ մենք կարողացանք յաղթել Եւրոպայի լիկայում”։

Աւելցնել Ձեր մեկնաբանութիւնները