www.artsakank.com.cy — ՀՄԸՄ-ՀԵՄ-ի մարզիկները կը շարունակեն իրենց յաղթական երթը, Երեւանի մէջ տեղի ունեցող Համա-ՀՄԸՄ-ական 10-րդ մարզախաղերու աւարտի նախօրեակին։

Երէկ, 15-ամեայ Միքելա Այնէճեան, մասնակցելով 800 մեթր վազքի մրցումին ապահովեց իր անձնական երկրորդ ոսկի մետալը։

Նոյն օրը, 20-ամեայ Էտմոնտ Այնէճեան մրցեցաւ թենիսի քառորդ աւարտականի խաղին, պարտութեան մատնելով իր հակառակորդը 6-1, 6-1 արդիւնքով, այսպէս՝ անցնելով կիսաւարտական փուլին։ Մրցումը պիտի կատարուէր նոյն օրը, յետմիջօրէին, սակայն Էտմոնտի հակառակորդ դաշտ չներկայացաւ եւ իբրեւ հետեւանք, Այնէճեան անցաւ աւարտական փուլին, որու արճակատումը տեղի պիտի ունենայ վաղը, Շաբաթ օր, խաղերու վերջին օրը։

Այս առաւօտ, Մարի Սոմաքեան Եորղիու, շարունակելով իր բացառիկ ընթացքը, մասնակցեցաւ լողի չորս մրցումներու, 100 մեթր freestyle, 50 մեթր butterfly, 200 մեթր medley, այսինքն՝ 4 տարբեր ոճի եւ 200 մեթր relay, խլելով առաջնութիւնը բոլոր մրցումներուն եւ հասցնելով իր անձնական ոսկի մետալները 7-ի, իսկ Կիպրոսի ՀՄԸՄ-ՀԵՄ-ի մետալներու թիւը՝ 9-ի։

Աւելցնել Ձեր մեկնաբանութիւնները