Եւրոպահայութեան չորրորդ համագումարը տեղի պիտի ունենայ 18 – 19 հոկտեմբեր 2017-ին, Պրիւքսէլի մէջ:

Այս համագումարը Եւրոպայի մէջ գործող Հայ Դատի յանձնախումբերուն եւ հայկական կազմակերպութիւններուն կողքին, պիտի համատեղէ հասարակական գործիչներ, քաղաքագէտներ, գիտնականներ եւ հոգեւորականներ, զրուցելու եւ եզրակացութիւններու յանգելու մեր ժողովուրդին դիմագրաւած հիմնահարցերուն ներկայ զարգացումներուն շուրջ:

Ողջոյնի խօսքերով ելոյթ պիտի ունենան Հայաստանի եւ Արցախի հանրապետութիւններու բարձրագոյն ներկայացուցիչներ, Ս. Էջմիածնի եւ Մեծի Տանն Կիլիկիոյ կաթողիկոսութեանց բարձրագոյն ներկայացուցիչներ, Եւրոխորհրդարանէն ներս Եւրոմիութիւն – Հայաստան եւ Եւրոմիութիւն – Արցախ բարեկամութեան խումբերու նախագահները եւ Եւրոխորհրդարանի  անդամներ:

Այսու կը ներկայացնենք համագումարի նախնական օրակարգը.-

Չորեքշաբթի, հոկտեմբեր 18, Պրիւքսէլի Հայ տուն (աշխատանքային լեզու՝ հայերէն)

09:00 — Ժամանում եւ գրանցում
10:00 — Պաշտօնական բացում, ողջոյնի խօսքեր
11:00 — Կլոր սեղան 1՝ «Ցեղասպանութեան Ճանաչում եւ Հատուցումներ»
13:30 — Ճաշի դադար
14:30 — Կլոր սեղան 2՝ «Թրքական եւ Ազրպէյճանական Լոպին Եւրոպայի մէջ»
16:30 — Սուրճի դադար
17:00 — Կլոր սեղան 3՝ «Հայապահպանում՝ Գոյատեւման Հիմնական Ազդակ»
19:00 — Ընթրիք Հայ Դատի Գրասենեակի կողմէ
Հինգշաբթի, հոկտեմբեր 19, Եւրոխորհրդարան (աշխատանքային լեզու՝ անգլերէն, միաժամանակ  հայերէն թարգմանութեամբ)

11:00 — Կլոր սեղան 1՝ “Armenian Genocide Recognition: Milestones and Challenges”
13:30 — Ճաշի դադար Եւրոխորհրդարանէն ներս
15:00 — Կլոր սեղան 2՝ “South Caucasus: Marginalization and New Perspectives”
Մասնակցելու համար, բոլոր ցանկացողները կրնան լրացնել  ՀՅԴ Եւրոպայի Հայ Դատի Գրասենեակի կայքէջին միջոցով՝ հետեւեալ յղումին պահանջուած տեղեկութիւններ  ամենաուշը մինչեւ սեպտեմբեր 29, 2017 .- http://www.eafjd.eu/4th-EU-AM-Convention.html 

ՀՅԴ ԵՒՐՈՊԱՅԻ ՀԱՅ ԴԱՏԻ  ՅԱՆՁՆԱԽՈՒՄԲԻ ԳՐԱՍԵՆԵԱԿ
6 Սեպտեմբեր, 2017
Պրիւքսէլ, Պելճիքա.

Աւելցնել Ձեր մեկնաբանութիւնները