Կիպրոսի եւ Յունաստանի պաշտպանութեան նախարարները՝ Խրիստոֆորոս Ֆոկայիտիս եւ Պանոս Կամմենոս յայտարարեցին, որ 43 տարիէ ի վեր կղպուած ու կնքուած արխիւներ պիտի վերաբացուին, որպէսզի յաւելեալ լոյս սփռուի անհետ կորածներու որոնումի աշխատաներուն վրայ եւ երեւնայ ճշմարտութիւնը:

Նախարար Ֆոկայիտիս յայտնեց նաեւ, որ շուտով նախարարութիւնը նոր, արդիական շէնք պիտի փոխադրուի ուր պայմանները պիտի համապատասխանեն Ազգային Պահակագունդին մէջ ընթացող արդիականացման գործընթացին:

Յունաստանի պաշտպանութեան նախարար Կամմենոս իր կարգին շնորհակալութիւն յայտնեց Կիպրոսի պաշտպանութեան նախարարին, Ազգային Պահակագունդին եւ բոլոր անոնց, որոնք տարիներէ ի վեր կը պայքարին անհետ կորածներու հարցերուն համար. «Ազգային հարց մը, որ բոլորիս կը վերաբերի», ինչպէս նշեց ան:

Աւելցնել Ձեր մեկնաբանութիւնները