Հանրապետութեան նախագահ Նիկոս Անաստասիատիս, Եւրոպական Խորհուրդի նախագահ Տոնալտ Թուսքի հետ ունեցած հեռաձայնային հաղորդակցութեան ընթացքին համաձայնեցաւ, որ Եւրոպական Խորհուրդի յառաջիկայ շաբթուայ նիստի ընթացքին, օրակարգի վրայ գտնուի կղզիի գրաւեալ բաժնի յոյն-կիպրացի բնակիչներու հարցը, որոնց ուղարկուող մարդասիրական օժանդակութեան համար, թուրք-կիպրական վարչակարգը նախանցեալ օր, որոշ հարկերու վճարում պարտադրեց։

Նախագահ Անաստասիատիսի՝ Եւրոպական Խորհուրդի նախագահին հետ հեռաձայնային հաղորդակցութեան լուրը յայտարարեց Մարդասիրական Հարցերու Յանձնակատար Ֆոտիս Ֆոտիու, Գաղթականներու Խորհրդարանական Յանձնախումբի նիստի ընթացքին։

Աւելցնել Ձեր մեկնաբանութիւնները