Կղզիի գրաւեալ բաժինի՝  “խորհրդարանին” մէջ, կիպրական հարցին շուրջ զարգացող զրոյցը առաջնորդուած է բուռն վիճաբանութեան։

Ամենաբուռն հակամարտութիւնը տեղի ունեցած է “արտաքին գործոց նախարար” Թախսըն Էրտուղրուլողլուի եւ Հանրապետական Թրքական Կուսակցութեան “երեսփոխան” Էրքութ Շահալի-ի միջեւ։

Էրտուղրուլօղլու բարկացած է Շահալի-ի ակնարկէն, որ իր հրաժարականը տայ, ինչպէս նաեւ ստացած քննադատութենէն՝ իր առաջադրած սահմանափակումներուն համար, կղզիի գրաւեալ բաժինին մէջ գտնուող՝ եկեղեցիներու արարողութիւններու հարցով, ինչպէս նաեւ՝ կղզիի գրաւեալ բաժնին մէջ բնակող յոյն-կիպրացիներու ուղարկուած մարդասիրական օժանդակութեան արտադրութիւններու վրայ՝ հարկեր պարտադրելու որոշումին համար։ Թախսըն Էրտուղրուլողլու, զինք քննադատողները որակած է իբրեւ «զիջողներ», աւելցնելով որ անոնք, աւելի կը սիրեն յոյն-կիպրացիները, քան թուրք-կիպրացիները։

Բուռն հակազդեցութիւն ունեցած է նաեւ “երեսփոխան” Տողուշ Տերիա, Էրտուղրուլողլուի ա՛յն ակնարկին, թէ եթէ հարկ ըլլայ, պիտի յարձակին ա՛յն նաւերուն վրայ, որոնք յոյն-կիպրացիներու հաշւոյն, բնական կազ յայտնաբերելու համար պեղուներ կը կատարեն։ Տերիա, կատակելով յայտնած է, թէ ընկերութիւնները պէտք է որոնումներ կատարեն կղզիի հիւսիսային բաժնին մէջ, մատնանշելով որ գոյութիւն ունի նախարար մը, ինչպէս անուանեց ան Էրտուղրուլողլուին, որ մեծ քանակութեամբ կազ կ՛արտադրէ․․․։

Աւելցնել Ձեր մեկնաբանութիւնները