Հոկտեմբեր 27-ի ողբերգութեան տարելիցի օրը, Ազգային Ժողովի նիստի աշխատանքները սկսելէն առաջ պատգամաւորները մէկ վայրկեան լռութեամբ յարգեցին ոճրագործութեան զոհերուն յիշատակը:

“18 տարի առաջ Հայաստանի Հանրապետութեան Ազգային ժողովի շէնքին մէջ տեղի ունեցաւ ոճրագործութիւն, որ Ազգային Ժողովի նախագահ Կարէն Դէմիրճեանի, վարչապետ Վազգէն Սարգսեանի, Ազգային Ժողովի փոխնախագահ Եուրի Բախշեանի, Ռուբէն Միրոյեանի, պատգամաւորներ Միքայէլ Քոթանեանի, Արմենակ Արմենակեանի, Հենրիկ Աբրահամեանի, նախարար Լէոնարդ Պետրոսեանի կեանքը տարաւե, ըսած է Ազգային Ժողովի նախագհ Արա Բաբլոյեան:
18 տարի առաջ, այս օրը` Հոկտեմբեր 27-ին, խումբ մը ահաբեկիչներ` Նայիրի Յունանեանի գլխաւորութեամբ, մտան Ազգային ժողով, ուր տեղի կ՛ունենար Կառավարութիւն-Ազգային Ժողով հարցուպատասխանը եւ գնդակահարեցին գործադիր եւ օրէնսդիր իշխանութեան առաջին դէմքերը:

Աւելցնել Ձեր մեկնաբանութիւնները