Հանրապետութեան նախագահ Նիկոս Անաստասիատիս այսօր հանդիպում ունեցաւ երկօրեայ պաշտօնական այցոց Կիպրոս գտնուող Պուլկարիոյ նախագահ Ռումէն Ռատեֆի հետ, որու ընթացքին քննարկուեցան կիպրական եւ երկուստեք կարեւորութիւն երկայացնող այլ հարցեր:

Պուլկարացի նախագահը Նախագահական Պալատ ընդունուեցաւ կէսօրէ առաջ ժամը 11-ին: Երկու նախագահներու առանձնազրոյցէն ետք տեղի ունեցաւ երկու պատուիրակութիւններուն լիակազմ ժողովը, որու ընթացքին ստորագրուեցան նաեւ երկկողմանի համաձայնգրեր:

Կէսօրին, բարձրաստիճան հիւրերը ներկայ գտնուեցան Խրիսոստոմոս Արքեպիսկոպոսի հրաւիրած ճաշկերոյթին:

Այս երեկոյ Նախագահական Պալատին մէջ տեղի պիտի ունենայ պաշտօնական ընթրիք որուն ներկայ պիտի ըլլան նախագահներ Անաստասիատիսն ու Ռատեֆը, իրենց պատուիրակութիւններուն ընկերակցութեամբ

Աւելցնել Ձեր մեկնաբանութիւնները