Երկուշաբթի,  26 Մարտ 2018-ի գիշերուան ժամը 8-ին,Ազգային Առաջնորդարան այցելեց Կիպրոսի Հ.Յ.Դ. նորընտիր Կոմիտէն:  Շնորհաւորական պատշաճ խօսքերէ անկախ, պաշտօնական առաջին այս հանդիպումը ծանօթացման բնոյթ ունէր: Կոմիտէութեան ներկայացուցիչն ու անդամները Կաթողիկոսական Փոխանորդ Սրբազան Հօր հետ, առ հասարակ արծարծեցին Կիպրահայ գաղութը յուզող հարցեր,  ծրագիրներու մշակման յանձնառութիւններ, տեսակէտներու փոխանակման եւ  ազգային – հոգեւոր նկարագրի հրամայականին: Անոնք, նաեւ անդրադարձան Անթիլիասի մէջ Հայաստանի Հանրապետութեան Անկախութեան 100-ամեակին առիթով կազմակերպուած համագումարին եւ գաղութէն  ներս տարուելիք զանազան աշխատանքներուն տարբեր բնագաւառներու վրայ, առաւել եւս Կիպրոսն ու Կիպրահայութիւնը մտահոգող նոր մարտահրաւէրներուն:
Սրբազան Հայրը իր շնորհակալութիւնը յայտնեց հանդիպման համար եւ մասնաւոր գնահատանքն ու քաջալերանքը փոխանցեց բոլորին եւ իր պատրաստակամութիւնը՝ օգտակար ըլլալու որեւէ հարցի նկատմամբ:
 
27 Մարտ 2018  
Դիւան Ազգայն Առաջնորդարանի 
Աւելցնել Ձեր մեկնաբանութիւնները