Համազգայինի Կիպրոսի «Օշական» Մասնաճիւղի 19-րդ Տարեկան Ընդհանուր Ժողովը տեղի ունեցաւ Ուրբաթ, 29 Յունիս 2018-ին, երեկոյեան ժամը 7-ին, ՀՄԸՄ-ՀԵՄ-ի ակումբին մէջ, Համազգայինի Կեդրոնական Վարչութեան ներկայացուցիչ ընկ. Մկրտիչ Մկրտիչեանի մասնակցութեամբ:

Քննելէ ետք նախորդ տարուան գործունէութիւնը, Ընդհանուր Ժողովը գտաւ որ շրջանաւարտ Վարչութիւնը արդիւնաւոր աշխատանք տարած է մասնաճիւղի գործունէութեան բոլոր ոլորտներուն մէջ, յատկապէս «Սիփան» եւ «Անի» Պարախումբերու եւ Մշակութային Երեկոներու կապակցութեամբ եւ այս գործունէութիւնը աւելի ընդլայնելու եւ դէպի երիտասարդութիւնը բացուելու առաջադրանքով առաւ համապատասխան որոշումներ:

Ժողովի վերջաւորութեան միաձայնութեամբ ընտրուեցաւ վարչութիւն, բաղկացած հետեւեալ ընկերներէն. Արթօ Դաւիթեան (Ատենապետ), Շուշիկ Պաքալեան (Քարտուղար), Շանթ Գայայեան (Գանձապահ), Յաբէթ Թուլումճեան եւ Տիգրան Չիլինկիրեան:

3 Յուլիս 2018

Աւելցնել Ձեր մեկնաբանութիւնները