Կառավարական բանբեր Պրոտրոմոս Պրոտրոմու երէկ իրիկուն բրիտանական խորհրդարանին մէջ մասնակցեցաւ կիպրական հարցի լուծումի հաւանականութիւններուն մասին ձեռնարկի մը, կազմակերպուած Կիպրոսի զօրակցութեան խորհրդարանական խմբակի եւ Միացեալ Թագաւորութեան Կիպրական Դաշնակցութեան կողմէ:

Բազմաթիւ բրիտանացի խորհրդարանականներու եւ կիպրացիներու ներկայութեան Պրոտրոմոս Պրոտրոմուխօսեցաւ կիպրական հարցի զարգացումներուն եւ Կիպրոս-Միացեալ Թագաւորութիւն յարաբերութիւններուն մասին:

Կառավարական բանբերը անդրադարձաւ Ճէյն Հոլ Լուտի՝ Ընդհանուր Քարտուղարի յատուկ խորհրդական նշանակումին ընդգծելով, որ ան շուտով Կիպրոս, Անքարա, Աթէնք եւ Պրիւքսել պիտի այցելէ եւ լաւատեսութիւն յայտնեց, որ «դարձեալ պիտի կարենանք կիպրական հարցին նկատմամբ առաջ շարժիլ»:

Պրոտրոմու նշեց, որ յստակ ու հանրածանօթ է բանակցութիւններու վերսկսման մասին հանրապետութեան նախագահ Նիկոս Անաստասիատիսի դիրքորոշումը, աւելցնելով, որ նախագահը առաջադրած է անմիջական վերսկսում, հիմնուած Կութերէշի չափաձեւին վրայ: Նախագահը անհրաժետ կը գտնէ նաեւ լուրջ նախապատրաստութիւնը, բայց նաեւ՝ զօրաւոր քաղաքական կամք բոլոր կողմերէն, որպէսզի բանակցութիւններուն դրական արդիւնքը ապահովուած ըլլայ:

Պրոտրոնմքու ըսաւ տակաւին, որ միայն փոխադարձ յարգանքով պիտի յաջողինք գտնել արդար եւ գործնական լուծում մը, որմէ յաղթականներ ու յաղթուողներ դուրս պիտի չգան եւ որ պիտի բաւարարէ երկու համայնքներուն ալ մտահոգութիւնները:

Աւելցնել Ձեր մեկնաբանութիւնները