Յուլիս 11, 2011-ի ողբերգութիւնը պէտք է մեկնակէտը ըլլայ հոգատար պետութեան մը, որ ապահովութիւն պարգեւէ եւ իսկական նախապայմաններ ստեղծէ զարգացման եւ բարօրութեան, յայտարարեց հանրապետութեան նախագահը Նիկոս Անաստասիատիս:

«Էւանկելոս Ֆլորակիս» ծովային զօրակայանին մէջ տեղի ունեցած՝ Մարիի 13 զոհուածներուն հոգեհանգիստի արարողութեան ընթացքին իր խօսքին մէջ նախագահը ըսաւ, որ «Նոյն յուզումնախառն զգացումներով, ինչպէս Մարիի պայթիւնին այդ չարաբաստիկ օրը, եօթը տարի յետոյ հոգեհանգիստ կը կատարենք Ազգային Պահակագունդի, Հրշէջու փրկարար սպասարկութեան այդ 13 քաջերուն համար, որոնք իրենց կեանքերը զոհեցին հայրենիքի ծառայութեան ճամբուն վրայ:

«Յարգանքով կը խոնարհինք իրենց յիշատակին առջեւ, ներողութիւն խնդրելով բոլոր այն բաներուն համար որոնք որպէս պետութիւն պարտաւոր էինք ընել եւ չըրինք, բոլոր այն քայլերը որ պետութիւնը պէտք էր առնէր, զանոնք մահացու վտանգներու չենթարկելու համար», շարունակեց նախագահ Անաստասիատիս:

Հանրապետութեան նախագահը վստահեցուց, որ «պիտի չթոյլատրենք, կամ առ նուազն ճիգ պիտի չխնայենք, որ նման սխալներ երբէք չկրկնուին եւ մեր երկիրը նման ողբերգութիւններ չ՛ապրի»:

Աւելցնել Ձեր մեկնաբանութիւնները