Արցախի պաշտպանութեան բանակի նախկին հրամանատար Սամուէլ Բաբայեան այս օրերուն հանդիպում ունեցած է Արցախի նախագահ Բակօ Սահակեանի հետ:

«Նիուզ»-ի հետ ունեցած զրոյցին ընթացքին նախագահի մամլոյ բանբեր Դաւիթ Բաբայեան յայտնած է, որ քննարկուած են տարբեր հարցեր, յատուկ անդրադարձ կատարուած է շփման գիծին մէջ տիրող իրավիճակին:

Մինչայդ, Արցախի նախագահ Բակօ Սահակեան 10 Յուլիսին այցելած է արցախ-ազրպէյճանական շփման գիծի որոշ հատուածներ` տեղւոյն վրայ ծանօթանալով սահմանագիծի ամրապնդման, զինուորներուն ծառայութեան պայմաններու բարելաւման ուղղութեամբ իրականացուած աշխատանքներուն եւ առաջադրուած խնդիրներու լուծման ընթացքին:

Արցախի նախագահի աշխատակազմի տեղեկատուութեան գլխաւոր վարչութիւնը տեղեկացուցած է, որ նախագահին կ՛ընկերակցէին պաշտպանութեան նախարար Լեւոն Մնացականեան եւ պաշտօնատար այլ անձեր:

Աւելցնել Ձեր մեկնաբանութիւնները