Յունական դիւանագիտական աղբիւրներ ամբողջովին անհիմն որակեցին ռուսական պնդումները, թէ Յունաստանէն երկու ռուս դիւանագէտներու արտաքսումը ամերիկեան ճնշումներու արդիւնք էր:

Նոյն աղբիւրները կը յայտնեն, որ «Կ՛երեւի թէ ռուսերը որոշ դժուարութիւն ունին անդրադառնալու, թէ փոքր պետութիւն մըն ալ կրնայ իրաւունք ունենալ իր ազգային շահերը պաշտպանելու: Անոնք դժուարացան անդրադառնալու, որ մեր առեւտրական նաւատորմիղը համաշխարհային տնտեսութեան մէջ յատուկ դերակատարութիւն ունի եւ երկրին շահը կը պահանջէ՝ պաշտպանել այս դերակատարութիւնը»:

Աւելի կանուխ, Մոսկուայի մէջ յոյն դեսպանը կանչուեցաւռուսական արտաքին գործերու նախարարութիւն, ուր անոր փոխանցուեցաւ ռուսական կողմի անհանգստութիւնը՝ Աթէնքի որոշումին վերաբերեալ: Միեւնոյն ատեն, ռուսական արտաքին գործերու նախարարութիւնը յայտարարութեամբ մը պնդեց, որ յունական կողմը ռուս դիւանագէտներու արտաքսման պատճառ հանդիսացող փաստեր չունէր եւ այս հարցին ետեւը թագնուած է Ուաշինկթընը:

Աւելցնել Ձեր մեկնաբանութիւնները