Անընդունելի ներկայ կացութեան շարունակութեան միակ պատճառը թրքական կողմի ու նաեւ կիպրաթուրքերուն քաղաքական կամքի պակասն է, յայտարարեց այսօր հանրապետութեան նախագահը՝ Նիկոս Անաստասիատիս:

Յուլիս 15-ի պետական հարուածի զոհերուն համար հոգեհանգիստի արարողութենէն ետք արտայայտուելով, նախագահ Անաստասիատիս մաղթեց, որ Թուրքիան եւ կիպրաթուրքերը «միտք ու մտածելակերպ փոխեն», որպէսզի կարելի ըլլայ յաջողիլ՝ գտնելու համար երկարատեւ ու գործնական լուծում մը, արժանի՝ եւրոպական սկզբունքներուն եւ արժեչափերուն»:

ՄԱԿ-ի Ընդհանուր Քարտուղարի պատուիրակ Ճէյն Հոլ Լուտի Կիպրոս ժամանումին եւ կառավարութեան անմիջական ծրագիրներուն մասին հարցապնդուելով, նախագահ Անաստասիատիս ըսաւ. «Մեր դիրքերը քաջածանօթ են: Իրերայաջորդ կառավարութիւնները ճիգն էր՝ վերջապէս գտնել խաղաղ եւ գործնական լուծում մը: Հիմքը արդէն համաձայնուած է»:

«Անընդունելի ներկայ կացութեան շարունակութեան միակ պատճառը թրքական կողմի ու նաեւ կիպրաթուրքերուն քաղաքական կամքի պակասն է: Մաղթանքս է, որ անոնք միտք ու մտածելակերպ փոխեն, որպէսզի կարելի ըլլայ յաջողիլ՝ գտնելու համար երկարատեւ ու գործնական լուծում մը, արժանի՝ եւրոպական սկզբունքներուն եւ արժեչափերուն», ըսաւ ան:

Յեղաշրջումի սեւ տարեդարձին նկատմամբ նախագահ Անաստասիատիս նշեց. «Պառակտումը մեզ առաջնորտեց դաւաճանական յեզաշրջումին: Ահա այս բաներն են որ պէտք է մտածել տան բոլորին եւ միասնականութեամբ պիտի տեսնենք թէ ինչպէ՞ս կարելի է դիմագրաւել ողբերգական իրականութիւնը, որուն մէջ կ՛ապրինք»:

Աւելցնել Ձեր մեկնաբանութիւնները