Կիպրոսի մէջ Միացեալ Ազգերու Ընդհանուր Քարտուղարի Յատուկ Ներկայացուցիչ Էլիզաբէթ Սպեհար յոյս յայտնեց, որ կողմերուն ուղղուած՝ կիպրական հարցի լուծումին վերաբերեալ քաղաքական կամքի վերանորոգման կոչերուն դրական կերպով կ՛արձագանգուի:

ՈւՆՖԻԿԻՊ-ի շքերթի մը առթիւ երէկ խօսք առնելով, Տիկին Սպեհար ընդգծեց, որ «Ապահովութեան Խքորհուրդը իր նորագոյն որոշումով կոչ ուղղած է կողմերուն՝ վերանորոգելու իրենց քաղ աքական կամքն ու յանձնառութիւնը, կարգաւորումի մը համար»:

Ան աւեկցուց նաեւ, որ «Ընդհանուր Քարտուղարէն եկած յուշումը ամրացուցած է այն տեսակէտը, թէ որեւէ գործնական լուծում պէտք է նախ եւ առաջ գայ նոյնինքն երկու ղեկավարներէն եւ ընդհանրապէս՝ նոյնինքն կիպրացիներէն»:

«Կը յուսանք, որ այս կոչերը նկատի կ՛առնուին: Մեր կողմէ, պիտի շարունակենք աշխատիլ, նպատակ ունենալով խաղաղութիւնը վերահաստատել այս կղզիին մէջ», նշեց Տիկին Սպեհար:

 

Խօսքը ուղղելով ՈւՆՖԻԿԻՊ-ի զինուորներուն ՄԱԿ-ի պատօնատարը ըսաւ. «Մետալներով վերադառնալով ձեր երկիրներոը, վստահ եղէք, որ Կիպրոսի մէջ խաղաղութիւն եւ կայունութիւն հաստատելու ձեր ճիգերը չեն մոռցուիր»:

Աւելցնել Ձեր մեկնաբանութիւնները