Հայաստանի Հանրապետութեան Նախագահ Սերժ Սարգսեան, Չորեքշաբթի, Մարտ 16-ին, այցելեց Կիպրոսի Համալսարան՝ հանդիպում ունենալու Համալսարանի փրոֆէսօրներու եւ ուսանողական կազմին հետ:  Հայաստանի Նախագահը համալսարանականներու առջեւ դասախօսեց եւ պատասխանեց մասնակիցներուն հետաքրքրող հարցերուն: Մինչ այդ, ՀՀ Նախագահին ողջունեցին համալսարանապետ՝ Կոստանդինոս Խրիստոֆիդիսը եւ կիպրահայ համայնքի ներկայացուցիչ՝ Վարդգէս Մահտեսեան:

ՀՀ Նախագահ Սարգսեան նախ՝ շնորհակալեց Կիպրոսի Համալսարանին, իրենց հիւրընկալութեան համար: Ապա ան յայտնեց.«Հայաստանի բարեկամ երկրի երիտասարդութեան հետ հանդիպումը առաւել կարեւոր է, որովհետեւ երիտասարդութիւնը պիտի շարունակէ բազմադարեայ ամրացած հայ-կիպրական բարեկամութիւնն ու յարաբերութիւնները»:

«21-րդ դարը տնտեսական դիւանագիտութեան ժամանակաշրջան է եւ մենք Հայաստանի մէջ կը շարունակենք իրականացնել բարեփոխումներ»,- ըսաւ Նախագահ Սարգսեան, նշելով որ այս գործը կ’իրագործուի ԵՄ գործընկերներու աջակցութեամբ, քանի՝ Հայաստանի համար հիմնական է յատկապէս արեւմտեան առաջատար տնտեսութիւնները: Այսօր Հայաստանի միջոցով կարելի է անտուրք դուրս գալ 170-միլիոննոց ԵԱՏՄ շուկայ:

Թէեւ փոքր պետութիւն է Հայաստանը սակայն կրցած է որդեգրել առանձնայատուկ ձեւ յարաբերելու աշխարհի հետ: Ռազմական դաշնակցային յարաբերութիւններ ունենալով Ռուսաստանի հետ՝ Հայաստանը յաջող գործընկերութիւն զարգացուցած է արեւմտեան ասիա-խաղաղ ովկիանոսեան, լատին ամերիկեան տասնեակ պետութիւններու հետ՝ Կիպրոս, Յունաստան, Ֆրանսա…:

Հայաստանի պետութիւնը կը փորձէ ապահովել գալիք սերունդներու առաւել անվտանք եւ բովանդակալից ապագան՝ հաւատարիմ մնալով կրթութեան միջոցով կայուն զարգացման եւ խաղաղ գոյութեան գաղափարին:

Իր խօսքին աւարտին, Նախագահ Սարգսեան կրկին շնորհակալութիւն յայտնեց Կիպրոսի Հանրապետութեան նախագահ՝ Նիկոս Անաստասիատիսին իր հրաւէրին համար:

Աւելցնել Ձեր մեկնաբանութիւնները