Չորեքշաբթի, 16 Մարտի երեկոյեան տեղի ունեցաւ Համազգայինի Կիպրոսի “Օշական” Մասնաճիւղի 3-րդ Մշակութային Երեկոն, որ կը բաղկանար երկու բաժիններէ՝ գրական եւ երաժշտական:

Վարչութեան ատենապետ Արթօ Դաւիթեանի հակիրճ բացման խօսքէն ետք սկսաւ երեկոյի գրական բաժինը, նուիրուած Շաւարշ Նարդունիի: Տոքթ. Հրայր Ճէպէճեան հետաքրքրական եւ դիւրըմբռնելի ոճով ներկայացուց գրագէտին կեանքը, գործերը ու մտաւորականի բարձր արժանիքները, ընդգծելով անոր աշխատասիրութիւնն ու հայրենասիրութիւնը: նարդունիի գործերէն ընթերցումեր կատարեցին Նայիրի Մուրատեան եւ Արթօ Դաւիթեան:

Djebejian Hrayr

       Տոքթ. Հրայր Ճէպէճեան

Յայտագռի երկրորդ բաժինով Տիկին Նանար Սարգսեան ներկայացուց Աշուղ-բանաստեղծ Սայաթ Նովայի կեանքն ու գործը, տողընդմէջ արտասանելով անոր բանաստեղծութիւններէն հատուածներ: Տիկին Սարգսեան ընդգծեց, որ Սայաթ Նովայի մեծ տաղանդը ճաճանչած էր յատկապէս անոր հայերէն տաղերուն մէջ, որով ան հռչակուած էր որպէս համամարդկային զգացումներու եւ սիրոյ տաղերգու:

Sarkssian Nanar

Տկն. Նանար Սարգսեան

Երեկոն փակելէ առաջ բեմ հրաւիրուեցքաւ նաեւ այդ օրերուն Կիպրոս գտնուող քանդակագործ Ռուբէն Նալբանդեանը, որուն քանդակած հրաշալի խաչքարի բացումը տեղի ունեցած էր նոյն օրը, Կիպրոսի արտաքին գործոց նախարարութեան շէնքին առջեւ, ի յիշատակ ՀՀ նախագահի պաշտօնական այցելութեան: Քանդակագործը խօսեցաւ իր քանդական հարիւրաւոր խաչքարերուն ու իր բնակավայր Էջմիածինի մէջ գործող խաչքարի ,Վարպետաց Դպրոցեին մասին:

Nalbandian Roupen

Քանդակագործ Ռուբէն Նալբանդեան

Յայտագրի փակումէն ետք, ինչպէս միշտ, ներկաները շարունակեցին իրենց զրոյցը, բաժակ մը գինիի ընկերակցութեամբ:

Աւելցնել Ձեր մեկնաբանութիւնները