Նիկոսիա — 25/10/2016 — www.artsakank.com.cy — Այս շաբաթավերջին, Նիկոսիոյ մէջ տեղի պիտի ունենայ ՀՄԸՄ-ի համահայկական կառոյցին 9-րդ միջդիւանական խորհրդաժողովը, որ պիտի քննարկէ միութեան վարչական, սկաուտական եւ մարզական աշխատանքներուն ընթացքը եւ միութիւնը պիտի նախապատրաստէ Համա-ՀՄԸՄ-ական յառաջիկայ խաղերուն, որոնք տեղի պիտի ունենան 2017-ի յուլիսին, Հայաստան:

Խորհրդաժողովը պիտի մշակէ նաեւ միութեան 100-ամեակի տօնակատարութիւններուն նախնական ծրագիրը եւ քարոզչական, ցանցային համակարգին ընդհանուր պատկերացումը:

Խորհրդաժողովին իրենց մասնակցութիւնը պիտի բերեն ՀՄԸՄ-ի աշխարհասփիւռ 105 մասնաճիւղերը համախմբող 7 շրջանային վարչութիւններու եւ 17 մեկուսի վարչութիւններու ներկայացուցիչները:

Աւելցնել Ձեր մեկնաբանութիւնները