Ուրբաթ 28 Հոկտեմբեր — www.artsakank.com.cy — Ստրովոլոսի քաղաքապետութեան հանդիսասրահին մէջ մեծ յաջողութեամբ տեղի ունեցաւ հայրենի շնորհալի երգչուհի Ալլա Լեւոնեանի համերգը, կազմակերպութեամբ ՀՄԸՄ-ՀԵՄ-ի եւ ի պատիւ շրջանիս մէջ ընթացող ՀՄԸՄ-ի 9-րդ միջդիւանային խորհրդաժողովի պատգամաւորներուն:

Ներկայ ժողովուրդը շուրջ երկու ժամ վայելեց Ալլա Լեւոնեանի՝
աշուղական, ազգագրական, հայրենասիրական սիրուած երգերու մեկնաբանութիւնները, ապրելով յուզիչ ու խանդավառ պահեր եւ իր գնահատանքը արտայայտեց երկարատեւ ծափահարութիւններով:

Յայտագրին իրենց մասնակցութիւնը բերին դաշնակահարուհի Տիկին Զարա Բարխուդարեան եւ Համազգայինի Կիպրոսի «Օշական» Մասնաճիւղի «Սիփան» պարախումբը:

Աւելցնել Ձեր մեկնաբանութիւնները